LESN 47
Yoo Redi fi Geh Baptaiz?
Bikaaz a weh yu don stodi eena di Baibl, yu laan wahn lata tingz bowt Jehoava, ahn yu mosi don mek sohn chaynjiz eena yu laif bikaaz a di tingz weh yu laan. Bot sohnting mait di hoal yu bak fahn dedikayt yu laif tu Jehoava ahn geh baptaiz. Eena dis lesn wi wahn taak bowt sohn tingz weh ku mek it haad fi reech di goal fi geh baptaiz, ahn weh yoo ku du fi mek dehn tingz noh stap yu.
1. Weh aal yu need fi noa bowt di Baibl bifoa yu geh baptaiz?
Fi geh baptaiz, yu need fi ga “di karek andastandin a di chroot.” (1 Timoti 2:4) Dis noh meen dat yu need fi noa aala di ansaz fahn di Baibl. Eevn dehn wan weh baptaiz fi wahn lang taim aalwayz di laan nyoo tingz. (Koloashanz 1:9, 10) Bot fi geh baptaiz yu need fi andastan di mayn tingz weh di Baibl teech. If yu noh shoar if yu noa inof bowt di Baibl, di eldaz eena di kangrigayshan ku help yu fain owt.
2. Weh da sohn tingz yu need fi du bifoa yu geh baptaiz?
Di Baibl seh wahn persn need fi “ripent ahn ton tu Gaad.” (Reed Aks 3:19.) Soh yu haftu du dis bifoa yu ku geh baptaiz. Bot weh dis meen? Ih meen dat fahn deep dong eena yu haat yu feel sari fi eni rang weh yu du bifoa, ahn yu aks Jehoava fi fergiv yu. Yu need fi stan op schrang ahn mek shoar fi stay weh fahn eni rang kandok, ahn mek op yu main fi liv how Gaad waahn yu liv. Pahn tap a dat, yu staat goh da di meetin dehn ahn preech wid di kangrigayshan.
3. Wai yu noh fi frayd fi geh baptaiz?
Sohn peepl frayd dehn kyaahn kip dehn pramis tu Jehoava. Da chroo sohntaim yu wahn mek mistayks, bot memba di saym ting mi hapm wid faytful peepl eena di Baibl. Jehoava noh ekspek ih servants fi bee perfek. (Reed Psalm 103:13, 14.) Yu mek hihn hapi wen yu du yu bes fi serv ahn! Ahn hihn wahn help yu fi du weh rait. Jehoava eevn pramis wi dat notn “ku stap [hihn] fahn lov wi.”—Reed Roamanz 8:38, 39.
SAACH FI MOA
Si how notn ku hoal yu bak fahn geh baptaiz wen yu geh fi noa Jehoava beta an aksep fi hihn help.
4. Geh fi noa Jehoava beta
Humoch yu need fi noa bowt Jehoava bifoa yu ku geh baptaiz? Yu need fi noa Jehoava gud inof fi lov ahn an fi waahn du weh ih seh. Play di VEEDYO fi si how peepl rong di werl weh stodi di Baibl mi du dehnya tingz. Den diskos di kweschan.
Eena di veedyo, weh sohn peepl mi du fi help dehn reech dehn goal fi geh baptaiz?
Reed Roamanz 12:2, ahn den diskos dehnya kweschan:
Yoo ga eni dowts bowt weh di Baibl teech er if Jehoava Witnisiz teech di chroot?
Weh yoo ku du if yu noh shoar bowt weh yu di laan?
5. Noh mek notn stap yu fahn geh baptaiz
Aala wi fays prablemz wen wi disaid fi dedikayt wi laif tu Jehoava ahn geh baptaiz. Fi si wahn egzampl, play di VEEDYO, ahn den diskos di kweschan dehn.
Eena di veedyo, weh aal Narangerel mi need fi du soh dat ih kuda mi serv Jehoava?
How fi shee lov fi Jehoava mi help ahn fi noh mek dehn tingz hoal ahn bak?
Reed Proverbs 29:25 ahn 2 Timoti 1:7, ahn den diskos dis kweschan:
Da weh gi wi di korij wi need soh dat notn stap wi fahn geh baptaiz?
6. Chros eena di help weh Jehoava gi yu
Jehoava wahn help yu fi du weh rait. Play di VEEDYO, ahn den diskos di kweschan dehn.
Eena di veedyo, wai wahn Baibl styoodent mi frayd fi geh baptaiz?
Wat hihn mi laan weh mi mek ih chros eena Jehoava moa?
Reed Isaiah 41:10, 13, ahn den diskos dis kweschan:
Wai yoo ku bee shoar dat yu ku kip yu pramis tu Jehoava wen yu dedikayt yu laif tu ahn?
7. Bee moa tankful fi di lov weh Jehoava gi yu
Di moa yu tink bowt humoch Jehoava lov yu, di moa graytful yu wahn bee ahn di moa yu wahn waahn serv ahn fareva. Reed Psalm 40:5, ahn den diskos dis kweschan:
Weh blesinz fahn Jehoava yoo reeli graytful fa?
Di prafit Jerimaiya mi lov Jehoava an ih werd, ahn hihn mi reeli graytful fi di aana fi geh kaal bai Jehoava naym. Hihn seh: “Ih mek mi haat reeli hapi, bikaaz dehn kaal mi bai yu naym, Oa Jehoava.” (Jeremiah 15:16) Ansa dehnya kweschan:
Wai da wahn grayt aana fi bee wan a Jehoava Witnisiz?
Yoo waahn geh baptaiz fi bee wan a Jehoava Witnisiz?
Eniting di hoal yu bak fahn du dis?
Weh yu need fi du soh dat yu ku reech yu goal fi geh baptaiz?
WEH YU WUDA SEH IF SOHNBADI TEL YU: “Ai frayd dat Ai kyaahn du evriting weh Ah pramis Jehoava if Ah geh baptaiz.”
Dat da how yoo feel?
WEH WI LAAN?
Wid help fahn Jehoava, notn kyaahn stap yu fahn geh baptaiz.
Mek Wi Rivyoo:
Weh aal yu need fi noa bowt di Baibl soh dat yu ku geh baptaiz?
Weh chaynjiz yu mait need fi mek bifoa yu ku geh baptaiz?
Wai yu noh fi mek fyaa hoal yu bak fahn di geh baptaiz?
FAIN OWT MOA
Si weh fi bee yu reezn fi geh baptaiz.
Laan how fi deel wid chalenjiz weh mait stap yu fahn geh baptaiz.
“Weh di Hoal Mi Bak Fahn Geh Baptaiz?” (Di Wachtowa, Maach 2019)
Eevn doa ih neva eezi, si weh wahn man mi du fi noh mek difrent tingz stap ahn fahn geh baptaiz.
At fers, wahn man weh naym Ataa neva redi fi geh baptaiz. Si weh mi help ahn fi fainali mek op ih main fi du dis.