Weh Hoap Deh fi Peepl Weh Ded?

Det afek evri singl wan a wi. Bot yu tink dat da it? Yu tink Gaad wahn faget enibadi weh ded? Eni hoap deh fi peepl weh don ded?

KANSIDA WEH DI BAIBL SEH:

WAHN HOAP DEH FI PEEPL WEH DED

“Aala dehn wan weh deh eena di grayv wahn . . . kom owt.”—Jan 5:28, 29.

Gaad doo memba di ded; dehn wan weh deh eena fi hihn memri wahn kohn bak tu laif.

WAHN REZOREKSHAN WAHN HAPM PAHN ERT

“Gaad wahn rayz op di raichos ahn di [wan dehn weh noh raichos].”—Aks 24:15.

Bilyanz a peepl wahn kohn bak tu laif wid di hoap fi liv fareva eena pees.

DI REZOREKSHAN HOAP REEL

“[Gaad] konk aala di staar dehn; hihn gi eech wan a dehn wahn naym.”—Psalm 147:4.

If Gaad ku kaal eech wan a di staar dehn bai naym, fi shoar hihn ku memba eech persn weh hihn wahn rezorek.