Buin liña ubóu lau turobuli: Ka gayaraabei hadügüni?
Sanditün san wéiritimahali lan hasufurirun guentó ladüga burí turobuli le ubouagubei? Anihein san somu lídangiñe katei le asusereda lidan fulasu le ñein lubéi hawinwanda?
Wuribu
Laburuchagun sandi
Hárabaganali, herigini o katei líbeina lira
Gudemei
Iyereehabúni
Áfarahani, ufasinin o katei líbeina lira
Dan le lasuseredun aban lamiselu, aba libidiñedun houn saragu gürigia kaba lan hadüga. Lau sun lira, mabuidunti lun herederun gürigia ítara luagu saragu dan, adügarügübei le lun laganwoundun turobuli.
Lau saragu turobuli le ubouagubei, lunti wadügüni sun wayaraati lun wóunigiragun woungua luéi wasandirun, wóunigiruni waseinsun luma wagundan, góunigi wamañame waduheñu hama wamadagu.
Ka gayaraabei hadügüni lun maweirin lan hadiheridun luagu turobuli le ubouagubei?