Ebelaagülei

LÍBURU to, lánina abahüdaguni inarüniti. Sagawati tídangiñe Bíbülia, líburu to wéirigutimaboun lidan sun ubóu. Abahüdaguni burí le, adimurehati bun luagu ubóu lúmagiñe lagumeserun Bungiu adügei darí lumoun wawéyuri. Ariñaga tumuti íbini le füramase lubéi Bungiu ladügün ámuñegü.

Rutu líburu to aban saminaü bun luagu ka lan tílabei Bíbülia. Adimurehatu hawagu gürigia ha lánina tidaani Bíbülia luma luagu katei burí le meha hadügübei. Arufuda tumuti giñe lubuidun emenigini le ru laalibei Bungiu houn gürigia lun hawinwandun lun súnwandan lidan aban paraísu Ubouagu.

Anihein 116 abahüdaguni tidan líburu to. Óundarawaguati lidan widü fánreinti. Aban páhina lidan lagumeseha kada fánreinti ariñaga lumuti lidan fiú dimurei ka lan lídanbei fánreinti ligía. Abahüdaguni burí le, bürüwati según lidaani lasuseredun. Líderagubadibu afurendeirei ídabuga lan lasusereda katei burí le lumoun le líbiri sügǘ.

Abahüdaguni burí le, abahüdahouati lau dimurei sensiyuti. Bandi irahüñü gayarabei haliihani houngua. Harihiba agübürigu gúndaabaña lan hasaanigu lun haliihani houn bandi wéiyaasu. Larihíba anihein lan bandi katei súdiniti tidan líburu to, houn nibureintiñu hama weinamuhaña.

Lárigiñe kada abahüdaguni anihein bérusu tídangiñeti Bíbülia. Amisuraha wamutibu lun baliihani tidan Bíbülia ka lan lébunabei abahüdaguni burí ligía. Lásurun baliihani kada abahüdaguni ábame giñe baliihani álügüdahani le lánina abahüdaguni ligía, houcha buguyame lun bóunabuni, dariwati lárigiñe abahüdaguni 116.