Gunda humá lau ibagari lun súnwandan Ubouagu!
Garüdia to adügüwatu lun tideragunün asubudirei ka lan adügübalin ubóu lau sun le lídanbei. Hafurendeiruba gírilan Bungiu, le adügübalin sun ubóu. Wafuranguagüdübei ka lan ueigiñe ladügei Bungiu wügüri, luma ida luba lan habagaridun lau ugundani lun súnwandan Ubouagu.
Gíbetu dibuhu tidan garüdia to. Agurabatiwa tíderagubadün lan lun buidutima lan gufuranda humani katei le. Lun buidutima lan hun, mosu haliihani textu tidan Bíbülia, le bürüñubei toubagiñe besafu tídangiñe dibuhu to. Ítarati gayarabei haliihani hungua fiú lubuidun-agei füramasei le tídanbei Bíbülia, luma le lariñagubei Bugiu lun hadügüni lun gayara lan hibíhini sun füramasei le.
Gayarati giñe busenbadün lan hayusurunu garüdia to lun híderagun amu gürigia. Anhein gasaanigu hubéi gayarati giñe hayusurunu lun hideraguniñu lun hafurendeirun luagu Bungiu. Anhein gibe habéi gürigia wéinamuhaña maliiraditiñu lidan fulasu le ñi lubéi heredera, gayarati hayusurunu dibuhu to lun híderaguniñu gürigia ha lun gufunranda hamani lisuuni Bungiu, gayarabei giñe hídereguniña hubesinanigu.
Agurabatiwa tídangiñe sun wanigi lun ladaaruni taturiahoun garüdia to üma lun hibíhin bandi abinirúni, lun giñe harufudahan houn amu gürigia ida luba lan habagaridun lun súnwandan ya Ubouagu.