Ka lunbei hadügüni?

50 Busiñetün hamuga hawinwandun lun súnwandan lidan lubuidun paraísu ligía?

Mosu hafurendeirun lanwoun le Subudi humaalibei luagu le lerengubei Bungiu. Houcha humá hafurendeiruni taliihoun Bíbülia (Huan 17:3; Arufudúni 1:3).

51 Furendei humá lanwoun le hasubusirubei luagu Hesusu (2 Lúrudu 18:18, 19; Huan 3:16; Adügaü 3:19-23).

52 Áfaagua humá lun kateirügü lan buiti hadüga gaganbadi hugíame lun Heowá (Rómana 6:17, 18, 22).

53 Haritagua huméi, lerenga Heowá lun máfarahan wamá gürigia (Áfuriduni 20:13; 1 Huan 3:11, 12).

54 Moun lumuti wagidáruni hamegegun amu gürigia hawéi (Áfuriduni 20:15; Éfesuna 4:28).

55 Moun lumuti lawinwandun aban wügüri tuma aban hiñaru ni lun lagamaridunu anhein mamaríeidun lubéi tuma (Áfuriduni 20:14, 17; 1 Tesalónikana 4:3).

56 Haritagua humuti atiriñanu lan hiñariñu lerengun Bungiu gayara lan gamalanu aban wügüri? Atiribeití dan lerederun tuma lani weiriou? (Agumesehani 2:22, 24; Matéu 19:5, 6; 1 Korintuna 7:2, 10, 11.)

57 Haritagua huméi giñe, lunrügüñein lan Heowá gayara lan wáhuduragun (Matéu 4:10; 1 Korintuna 8:6).

58 Ni guáriua ni liyawa siñati híderaguniwa. Ka uagu? (1 Korintuna 8:4.)

Buiti san gama wamá guáriua? (2 Lúrudu 27:15; 1 Huan 5:21.)

59 Ka uagu wuriba lubéi layusurun lúyawa uraü? (2 Lúrudu 18:10-13; Arufudúni 21:8.)

60 Ánheligu ha wuribabaña o máfianu aba hebedaagun lun Bungiu. Yusutiña búyeigu lun hayeeduniñu gürigia (Adügaü 16:16).

61 Mosu wayumuragun lun Bungiu. Ayumuraguni lilabei ayanuhani luma Bungiu, erenga wagíame lun busiñe wamá weseriwiduni, amuriaha wagíame lun líderaguniwa (Filipuna 4:6, 7).

62 Mosu gaganbadi wamá lun Hesusu afiñe wagíame luagu (Ebüréu 5:9; Huan 3:16).

63 Haritagua huméi hilati lan lun lasalbaruniwa (Rómana 5:8).

64 Haritagua humuéi luagu Hesusu lan warúeitebei le marihúaditi. Mosu gaganbadi wamá lun (Filipuna 2:9-11; Arufudúni 19:16).

65 Erengati Hesusu mosu lan hayanuhan houn amu luagu buri katei buiti le hafurendeirubei. Erengati giñe ha lan busiñenbaña haseriwidun lun Bungiu mosu lan habasterún (Matéu 28:19, 20; Huan 4:7-15).

66 Ligía gayara lubéi hayanuhan houn humadagu luagu sun katei buiti le (Matéu 10:32).

67 Ánhadün afurendeira aliiha buidu, hafurendeiruba bandi katei buiti, buitimaabei giñe híderagun amu gürigia (2 Timotéu 2:15).

68 Arufudahati giñe Hesusu houn irahüñü lun gaganbadi hamá lun Bungiu. Súnwandan gadaani lan lun layanuhan hama (Matéu 19:13-15).

69 Súnwandan mosu lan harufudahan agübürigu houn hasaanigu lun gaganbadi hamá lun Bungiu hínsiñe ligíame houn (2 Lúrudu 6:6, 7; Ariñawagúni [Proverbios] 6:20-22; Éfesuna 6:4).

70 Gíbetu ámuñegueinarügü ligilisi. Gíbeti harufudahan úati tidan Bíbülia. Lerenga Heowá lun lan wáfuridun tídangiñe sun ligilisi to marufudahanbalin inarüni (Arufudúni 18:4; Huan 4:23, 24).

71 Añahein gürigia luma Heowá ubouagu ha gayarati harufudahan hun lanwoun le furendeihumaalibei luagu. Subuditi hun kátaña lan? (Adügaü 15:14; Rómana 10:14, 15.)

72 Ha gefentiña luagu Heowá. Darangilatiñu hámagua. Subuditi hun ka lan uagu? Ladüga hínsiñeguatiñu hámagua (Isaíasi 43:10-12; Huan 13:34, 35).

73 Ladüga giñe línsiñe Heowá houn, habadiseirúnbei. Ítara liña harufuduni houn sun gürigia ígirahamali lan luriban ibagari, busiñe hamá giñe hásügürüni habagari eseriwidei Bungiu (Adügaü 2:41).

74 Ha Gefentiñu luagu Heowá agurabahatiña hawinwandun lidan aban iseri lubuidun paraísu (Sálumu 37:9-11, 29).

Ka lunbei hadügüni lun hawinwandun ñi hama? (Santiagu 1:22, 25; 2:20-26.)

75 Furendei humá úara hama eseriwida lun Heowá. Hínsiñetiñu Heowá luma Kristu Hesusu houn, gaganbaditiñu giñe houn. Agia hugia, hínsiñetiña giñe hun? Busiñetün hamuga híderagun amu gürigia asubusirei Bungiu? (Huan 6:45-47.)

76 Hínsiñetün lun Heowá luma lun Kristu Hesusu busiñetiñu giñe hawinwandun lun súnwandan lidan paraísu (Huan 3:16).

Larigiñe harihinu iyawaü luma ariñahani le tídanbei garüdia to chóuruwamuti busen humá habagaridun ubouagu lun súnwandan. Anhein busiñe hubéi hafurendeirun lanwoun le furendei humaalibei gayarati hayanuhan luma aban gefenti luagu Heowá. Gayarati giñe habürühan (o hamuriahan lun habürühan amu gürigia huagu) hábiñoun Gefentiñu luagu Heowá to yarafatimaabon hun, ariha huméi páhina biama tidan garüdia to.