Ñunsu luagu apurichihani

Hanarimeti lubuidun ariñahani lánina apurichihani luáguti sedü-hati irumu 2011. Luéigiñe aban oubaü, gawountimahaña apurichihatiña. Lidan Kosu Rísiti 26.672; Salu, 37.525, luma Wadimalu, 31.440. Ani wéiriti wagundan lau laganwounduntima hanumerun prekursorugu ha adügübaña ǘrüwa-wein-diisi oura luagu hati Balisi, Kosu Rísiti, Salu, Wadimalu luma Méhiku sügǘ luéi amu dan. Wéiriti ugundani líchugun woun wasubudiruni luagu 12,9% hádangiñe apurichihatiña heseriwiduña kei prekursorugu ha adügübaña ǘrüwa-wein-diisi oura.