Awisahani Awisahani

◼ Agumeiraguagüdüni to lunboun lapurichihóun tau lidan bián-hati: garüdia Bíbülia ka uganu tídanbei? Ǘrüwa-hati: líburu Kátima san. Áfaagua humá lun hagumeserun aturiahani tídangiñeti Bíbülia lidan furumiñeti bisida. Anhein anuheinharu lubéi líburu luma gürigia ani mabusenrunti laturiahan, ígira humá aban garüdia to lǘraüharu, o somu garüdia to hínsiñetu lun. Gádürü-hati: La Atalaya tuma ¡Despertad! Anhein arufuda gürigia busén lan lasigirun afurendeira, ru humoun garüdia Hínsiñeti hamuga san hun hasubudiruni inarüni? lun, ani áfaagua humá lun hagumeserun aturiahani tídangiñeti Bíbülia luma. Danme le hagiribudun abisidahaña gürigia ha ñǘdünbaña lidan Aritaguagülei o lidan amu ókaasion kei lira ani mámagiña íbirigu, áfaagua humá lun hagumeserun aturiaha hama tau líburu Kátima san. Seingü-hati: garüdia Gayarati lumadagu wamá Bungiu, Sífirigu hani hilaaña tuma Bíbülia ka uganu tídanbei?

◼ Anihánba liri yanu espechaliti le lunbei lichugún lidan lagumuchun dimaasu le lánina Aritaguagülei “Lidan hisaminan, mégeigili san saragu dan?”.

◼ Anhein samina hubéi haweiyasuhan lidoun somu ageiraü le máfuachunti lidan lagumuhóun ariñahani irumu-auti luagu apurichihani ni lidan lagumuhóun ubanaü tidan Anuario to iseritimagiruboun, wa humá tidoun Beteli to arihiboun lau hageira lun hálügüdahan anhein anihein lubéi somu adundehani espechaliti le lunti hasigiruni, lugundun másiñati anihein lan somu lúrudu le kóntürati luagu Larúeihan Bungiu lidan ageiraü ligía (Mat. 10:16). Háfuga anihein ageiraü le ñein lubéi buídutima lan máluahan humaniña íbirigu dan le hidin bisida ni lun hálügüdahan luagu damuriguaü. Hibihuba ariñahani Betelirugugiñe luáguti tanügǘn agumeiraguagüdüni o luagu apurichihani. Ánhadün ídeha ani gaganbadi hugía lun adundehani le heresibirubei, úabei turóbuli hun o lun wadagimanu lánina lapurichihóun Larúeihan Bungiu lidan fulasu le ñein lubéi hasaminara hidin (1 Ko. 14:33, 40).