Awisahani
◼ Agumeiraguagüdüni to lunboun lapurichihóun tau lidan ǘrüwa-hati: líburu Kátima san. Áfaagua humá lun hagumeserun aturiahani tídangiñeti Bíbülia lidan furumiñeti bisida. Anhein anuheinharu lubéi líburu hama gürigia ani mabusenruntiña haturiahan, gayarati wígirun aban garüdia to lǘraüharu houn o somu garüdia to hínsiñetu houn. Gádürü-hati: La Atalaya tuma ¡Despertad! Anhein arufuda gürigia busén lan lasigirun afurendeira, ru humoun garüdia Hínsiñeti hamuga san hun hasubudiruni inarüni? lun, ani áfaagua humá lun hagumeserun aturiahani tídangiñeti Bíbülia luma. Danme le hagiribudun abisidahaña gürigia ha ñǘdünbaña lidan Aritaguagülei o lidan amu ókaasion kei lira ani mámagiña íbirigu, áfaagua humá lun hagumeserun aturiaha hama tau líburu Kátima san. Seingü-hati: garüdia Gayarati lumadagu wamá Bungiu, Sífirigu hani hilaaña tuma Bíbülia ka uganu tídanbei?
◼ Lúmagiñe dimaasu le lánina 9 lidan gádürü-hati, taturiahóuba líburu “Redei humá lidan línsiñehabu Bungiu”. Anhein ua tubéi líburu to lidan damuriguaü lunti hamuriahanu lau lóufudagun.
◼ Ladügǘba Aritaguagülei luagu-gádürü 5 lidan gádürü-hati irumu 2012. Anhein luagu lubéi gádürü hadamuridagua, mosu hadügüni amu weyu danme le anihein lan chansi tidan Luban Hadamuridagun. Anhein siñá lubéi hasansiruni ani anihein somu fánreinti lidan Adamuridaguni lánina Eseriwiduni le lunti lahuuduba lan lun damuriguaü lunti hakutihani lidan amu Adamuridaguni lánina Eseriwiduni.
◼ Lidan burí hati le lunbei liabin lakutihóuba bideu burí le gíribei Los jóvenes preguntan... ¿Cómo conseguir amigos verdaderos? luma Los jóvenes preguntan... ¿Qué haré con mi vida? Anhein ua lubéi huma, lunti hamuriahani lau lóufudagun lidan damuriguaü.
◼ Gúndaatiwa wariñahan hun luagu lúmagiñe lan 1 lidan gádürü-hati táfuriduba Garüdia Atalaya lidan garifuna. Tidan garüdia to wadarirubei arütíkulu burí le lunbei laturiahoun sagü hati luma fiú arütíkulu hounti sun gürigia, gayarabei lubeiti wayusurunu garüdia to lidan wapurichihan. Ayanuhóuati garifuna Balisi, Indura, Wadimalu luma Nigarawa. Gúndaatiwa wariñahan hun luagu táfuriduba lan Wani Ministeriu lúmagiñe lidan gádürü-hati lidan iñeñei le gíribei mazateco. Méhiku layanuhóua iñeñei le.