Awisahani

◼ Agumeiraguagüdüni to lunboun lapurichihóun tau lidan gádürü-hati: Garüdia Atalaya tuma ¡Despertad! Anhein arufuda gürigia busén lan lasigirun afurendeira, ru humoun tratadu Hínsiñeti hamuga san hun hasubudiruni inarüni? lun, ani áfaagua humá lun hagumeserun aban aturiahani tídangiñeti Bíbülia. Danme le hagiribudun abisidahaña gürigia ha ñǘdünbaña lidan Aritaguagülei o lidan amu ókaasion kei lira ani mámagiña íbirigu, áfaagua humá lun hagumeserun aturiaha hama tau líburu Kátima san. Seingü-hati: Garüdia Gayarati lumadagu wamá Bungiu, Sífirigu hani hilaaña tuma Bíbülia ka uganu tídanbei? Sisi-hati: líburu Kátima san. Áfaagua humá lun hagumeserun aturiahani tídangiñeti Bíbülia lidan furumiñeti bisida. Anhein anuheinharu lubéi líburu hama gürigia ani mabusenruntiña haturiahan, gayarati wígirun aban garüdia to lǘraüharu houn o somu garüdia to hínsiñetu houn. Sedü-hati: Yusu humá aban tídangiñe garüdia burí to: Gayarati lumadagu wamá Bungiu, Sífirigu hani hilaaña tuma Bíbülia ka uganu tídanbei? Danme le hidin bisidaña gürigia ámuya wéiyaasu ígira humóun líburu Kátima san o, según le hemegeirubei gürigia ígira humóun garüdia Aganba huméi Bungiu o Aganba huméi Bungiu ábame hawinwandun lun súnwandan, ani áfaagua humá lun hagumeserun aban aturiahani tídangiñeti Bíbülia.

◼ Gayarati hadügün wéiyaaña lidan afiñeni somu asansiruni lidan programa lánina Adamuridaguni lánina Eseriwiduni lubaragiñe dimaasu le lánina adamurini distritu lun híchugun adundehani o aritaguagülei luáguti adamurini según lemegeirun damuriguaü. Aban o biama hati lárigiñe, lidan yanu le gíribei le mégeiwabei lidan damuriguaü, gayarabei háguyuguagüdün somu burí puntu lídangiñeti adamurini le harihibei apurichihatiña luagu gayara lan lahuudun houn lidan hani ministeriu.

◼ Íbirigu ha busenbaña houdin lidan adamurini distritu lidan amu ageiraü, hadariruba ariñahani buiti tidan Internet lidan páhina jw.org lidan seksióun “Búsquedas” lábugiñe iri “Asambleas de distrito”.