Ñunsu luagu apurichihani

Wariñahaña hun luagu lidan lan sisi-hati irumu 2012 gánwounguati hanumerun íbirigu ha eseriwidubaña kei prekursorugu ha adügübaña 70 oura sagü hati: Kosu Rísiti: 2,433; Indura: 2,975; Méhiku: 109,980, luma Nigarawa: 2,882. Gánwounguati giñe hanumerun gürigia ha aturiahatiña Bíbülia, ariñahóuati Kosu Rísitigiñe haturiahaña lan 36,103; Wadimalu 45,824, luma Panamá 22,856. Gánwounguati giñe hanumerun apurichihatiña Kosu Rísiti: 27,677; Indura: 20,486. Ma lueirin wagundan lau wídehan lidan alubahóuni lúmagiñeti Bungiu le! (Luk. 10:2.)