Awisahani
◼ Agumeiraguagüdüni to lunboun lapurichihóun tau lidan duusu-hati: yusu humá aban tídangiñe tratadu burí to: Gunda humá lau hibagari lidan aban kei familia, Hínsiñeti hamuga san hun hasubudiruni inarüni? tuma Yarafaali dan lun lagumuchun asufuriruni. Anhein arufuda gürigia busén lan lasigirun afurendeira, arufuda huméi lun ida liña lan lichugún aban aturiahani tídangiñeti Bíbülia tau líburu Kátima san o tau garüdia Aganba huméi Bungiu o Aganba huméi Bungiu ábame hawinwandun lun súnwandan. Eneru luma biama-hati: yusu humá aban tídangiñe garüdia burí daranditu-biama páhina to: Bíbülia ka uganu tídanbei? Gayarati lumadagu wamá Bungiu tuma Sífirigu hani hilaaña. Danme le hagiribudun bisidaña gürigia amu wéiyaasu, ígira humóun líburu Kátima san, o según le hemegeirubei gürigia ígira humóun garüdia Aganba huméi Bungiu o Aganba huméi Bungiu ábame hawinwandun lun súnwandan, ani áfaagua humá lun hagumeserun aban aturiahani tídangiñeti Bíbülia. Ǘrüwa-hati: Garüdia Atalaya tuma ¡Despertad! Danme le hagiribudun bisidaña gürigia amu wéiyaasu, ígira humóun líburu Kátima san, o según le hemegeirubei gürigia ígira humóun garüdia Aganba huméi Bungiu o Aganba huméi Bungiu ábame hawinwandun lun súnwandan, ani áfaagua humá lun hagumeserun aban aturiahani tídangiñeti Bíbülia.
◼ Ladügǘba Laritaguagüle lounwen Kristu le lánina irumu 2014 leindi 14 lidan gádürü-hati.
◼ Íbirigu ha busentiña heseriwidun keisi prekursorugu ídehatiña lidan ǘrüwa-hati irumu 2013 gayarabei desidírü hamá hadügün darandi o dimí-san oura lidan ministeriu lidan hati ligía. Anhein giñe labisidaha óunigiruti sirkuitu hani damuriguaü lidan ǘrüwa-hati, hamisurahóuaba sun íbirigu ha eseriwidutiña kei prekursorugu ídehatiña lidan hati ligía lidoun sun adamuridaguni le ladügübei óunigiruti sirkuitu hama prekursorugu ha adügübaña ǘrüwa-wein-diisi oura sagü-hati, meberesenga anhein dimí-sanba lubéi oura hadüga o darandirügübei lan.
◼ Gúndaatiwa wariñahan hun luagu lúmagiñe lanme 1 lidan eneru irumu 2013 táfuriduba lan Garüdia Atalaya to ságütu hati houn sun gürigia lidan burí iñeñein maya, ngäbere, totonaco, tsotsil luma zapoteco del Istmo.