Ñunsu luagu apurichihani

Lidan irumu lánina eseriwiduni 2012 gumesewati 651 iseri damuriguaü luma 21 iseri sirkuitu lidan sun ageiraü le aubei tariha Beteli to Méhikuboun. Lúmounbei 1 lidan nefu-hati irumu 2012 ñéinhali meha 16,000 damuriguaü, fánreinguañu lidan 740 sirkuitu luma 44 distritu. Inarüni lagunfuliruña lan profesía le lídanbei Isaíasi 60:22 luagu ladügüba lan Heowá lun furese lan lawanserun wadagimanu lánina apurichihani luma haganwoundun lumutuniña danme lachülürün dan lun. Ma lueirin wagundan lau warihini lanarime resultóu le lanügübei wadagimanu le!