“Hínsiñe hamá hiduheñu luéigiñe Hesukrístu hun”
Dimurei burí le lídanbei liri fánreinti le, bürüwati lau lídehan lani Bungiu sífiri kéiburi bián-milu irumu guentó (1 Fe. 2:17). Lau sun lira, lídantima dan le megei wamá wafalaruni! Gama lumoun, ida liñati gayara lan lasandirúniwa ínsiñeni hawagu saragu íbirigu kristiánugu ha lídanbaña sun ubóu? Ani kei wawinwanduña lubéi lidan ubóu le ídanbei hawouguounrügüñein lan gürigia hasaminara, ka lunbei wadügüni lun meferidirun wamani ínsiñeni le waganaguabei? (Mat. 24:12, TNM.) Ariha huméi bidéu Toda nuestra asociación de hermanos ani ariha huméi anhein gayara lubéi hóunabuni álügüdahani burí le asigirubei.
1) Lidan liricha dimurei, lúmagiñe wadügün ka katei ábanhadiwa lan hádangiñe ibiriñaü hani kristiánugu ha lídanbaña sun ubóu? 2) Ka ǘrüwa wadagimanu hadaagubei wíbirigu lidan sun ubóu? 3) Ida liña harufuduni wíbirigu luagu desidírühaña lan hapurichihan a) lidan burí fulasu díseti le Alaskabei, b) lidan óunwenbu burí potu le Yuropabei luma c) lidan lanarime burí dabíara le lídanbei ageiraü Perú? 4) Ka uagu moun lumuti lubéi wasaminarun aban lan wadagimanu kei furumiñeguarügü amu wadagimanu lánina apurichihani? 5) Ru humá hénpulu luagu ida liña lan híchugun gefentiña luagu Heowá dǘgüdaguaü luma ídemuei hámagua a) lárigiñe somu hárabaganali, b) lárigiñe somu herigini luma c) lidan añaha lan lílana somu ageiraü ageidagua hámagua. 6) Ka burí katei gayarabei wadügüni lun warufuduni igaburi súdiniti le kamanibei hadan wíbirigu kristiánugu? (Huan 13:35.) 7) Ka burí buiti asagarúbei lídangiñe lidehóuniwa lau úarani lidan tábunawagun Luban Hadamuridagun Gefentiña luagu Heowá? 8) Ida liña hakipuruni íbirigu ha aganóubaña Rusia luma luéigiñe oubaü le ñéingiñe lubéi laboucha weyu libiti Yuropa hamadagua luma Heowá dan meha le líchugunbei ageiraü burí ligía lúrudu lun lararamúniwa wadagimanu lánina apurichihani? 9) Ka burí áfaaguni hadügübei saragu gefentiña luagu Heowá lun houdin lidan burí adamurini lánina distritu, ani ka uagu? 10) Ida liña líchugun bidéu le iderebugu hun lun desidírü humá a) hasigirun eseriwida lun Heowá úara hama híbirigu, b) híderagun amu lidan lidaani lénrengunga luma c) lun hapurichihan sagü hadarirun chansi? 11) Ida luba gayara lan wayusuruni bidéu le lun wíderagun somu gürigia lidan ministeriu?
Ínsiñeni le wasandirubei luagu Heowá ligía adügübei lun lidan wamá aban hama wíbirigu kristiánugu. Ligía hínsiñe lubéi woun waganwoundagüdüni wasubudin luagu Wabungiute luma wayanuhan luagu houn amu gürigia. Ani hínsiñetiña giñe ha hínsiñebaña lun Heowá woun. Dan le wíderaguniña lidan hásügürün lídangiñe lénrengunga, magurabahantiwa lun leteingiruniwa Bungiu luagu. Lubaragiñe lira, rúrügütiwa eteingiruni lun luagu lubuidun chansi le ru laalibei woun: hádangiñe wamá ibiriñaü kristiánugu ha lídanbaña sun ubóu. Éibume ayarafadeina lan lagumuchagüle ubóu iyereehabúti le, wasigiramémeba wagía kristiánugu arufuda ínsiñeni houn sun waduheñu luéigiñe Hesukrístu.