Ñunsu luagu apurichihani

Lúmagiñe 11 darí 13 lidan eneru irumu 2013 adügǘwati aban adamurini espechaliti lidan aban fili táhureragüle bali San José, Kosu Rísiti. Chülütiña kéiburi 27,321, ani badiseitiña 368. Chülütiña 1,705 íbirigu Colombiagiñe, Ecuadorgiñe, Merigagiñe luma Méhikugiñe. Lidan adamurini ligía chülütiña bián íbirigu lídangiñe Setanu le arihibei lau hawadigimari Gefentiña luagu Heowá lidan sun ubóu, Gerrit Lösch luma Mark Sanderson, biángubei íbirigu ha rútiña yanu sagü weyu, le íchugubei saragu gurasu. Adügati adamurini le lun wasaminarun luagun le lariñagubei Sálumu 133:1: “Ariha humá ida liña lan lubuidun lun haganóun íbirigu lidan aban hámagua!”.