Ñunsu luagu apurichihani

Adügǘwati aban adamuridaguni espechaliti 28 lidan gádürü-hati irumu 2013 lidan fulasu le gíribei Arena Uburugu Méhiku lébuna bisida le hadügübei óunigirutiña ha abisidahabarun sukursali lídangiñe amu ageiraü. Anihán furumiñeti wéiyaasu lásügürawagüdün programa le dayarügubei lidan 7,855 ámuñegueinarügü fulasu lúmagiñe lagumeserun wadagimanu lánina apurichihani Méhiku luma Lamidan Meriga, chülütiña 1,327,704 gürigia aganbei programa le, 1,208,423 tidan Luban Hadamuridagun Gefentiña luagu Heowá haganbei, 119,281 hádangiñe aganba hamuti tidan burí Muna to luntu ladügun Adamurini. Rútiña óunigirutiña ha abisidahabarun sukursali yanu burí le ruti dǘgüdaguaü, le íchugubei óunwenbu ugundani houn sun ha aganbubalin (Neem. 8:12).