Ñunsu luagu apurichihani

Gúndaatiwa wasubudiragüdüni hun gánwoungua lan hanumerun íbirigu lidan sun ageiraü le aubei tariha Beteli to Méhikuboun, lúmounbei lagumuchun irumu lánina eseriwiduni 2013 añaheinhaña 981,903 apurichihatiña, dan le konparárü wamani númeru le lumoun hanumerun lidan ligiaméme hati lidan irumu le ásügürübei ariha wamuti gánwoungua lan 4,8% lidan irumu le. Añaheinhaña giñe 148,274 prekursorugu ha apurichihabaña ǘrüwa-wein-diisi oura sagü hati, hama 1,355,994 aturiahatiña Bíbülia. Arufuda lumuti burí númeru le, sun lan wagía ayumahatiwa tídangiñe sun wanigi wagunfulirun lau gumadi le líchugubei Hesusu: “Heiba lubeiti habügürü gürigia ha lílana sun fulasu, adüga humaña nánime disipulugu” (Mat. 28:19).