Ñunsu luagu apurichihani

Óunwenbu wagundan lügürabuga lidan adamurini distritu (le gíribei guentó adamurini le ǘrüwati weyu) “Lererun Bungiu inarünibei”! Wein-gádürüñein adamurini adügǘti Wadimalu lidan sedü iñeñein. Ariha hamuti 67,437 gürigia ha achülürübaña habadiseirun 1,026 iseri lubúeingu Heowá. Adügǘwati 492 adamurini —lidan 55 iñeñein— lidan sun ageiraü le aubei tariha Beteli to Méhikuboun le ídounbei hachülüra 1,778,096 gürigia. Lidan sun adamuri ligía, badiseitiña 21,292 gürigia. Wéiriti wagundan lau warihini lagunfulirun dimurei burí le labürüdübei profeta Isaíasi: “Higougu, warí wamá luagun luwübüri Wabureme, [...]; arufuda láamugei lémeri woun, gayara láamuga wéibugun lidan lémeri” (Isa. 2:3).