Ñunsu luagu apurichihani

Wéiriti lahuudun páhina lánina Internet jw.org lun lapurichihóun “lidan sun ubóu” lidan murusun dan le erederubei lubá lagumuchun ubóu le (Mat. 24:14). Wéiriti giñe lahuudun seksióun “Amuriaha humá aban aturiahani tídangiñeti Bíbülia”. Gúndaatiwa wasubudiragüdüni hun resibi wamá saragu koréu lídangiñe sun ageiraü le aubei tariha Beteli to Méhikuboun sagü hati le ídanbei hamuriaha gürigia aturiahani tídangiñeti Bíbülia. Kei hénpulu, lídanrügü ǘrüwa-hati, amuriahatiña 2,259 gürigia lun labisidahaniña aban gefenti luagu Heowá, mini lan lira resibi wamá kéiburi ǘrüwa-wein-keinsi koréu luagu weyu. Ma adügati wasubudiruni le lun wasigirun asubudiragüdei páhina jw.org lun gíbetima hamá gürigia asubudirei Heowá gabagari hamaamuga aban ibagari le magumuchaditi? (Huan 17:3.)