Awisahani

◼ Agumeiraguagüdüni to lunboun lapurichihóun tau lidan ǘrüwa-hati luma gádürü-hati: Garüdia Atalaya, Sífirigu hani hilaaña—Gayarati san híderagunün?, odi hadügün dañu hun? Inarüni san añahein hamá? o Gayarati lumadagu wamá Bungiu. Seingü-hati luma sisi-hati: Kátima san tarufudahabei Bíbülia? o aban tídangiñe tratadu burí to: Gayarati funa san habagaridunya gürigia ha hilaguaañabaña?, Káteitima san gamaniharibei lau ubóu? o Lachülürüba san dan lun masufurirun wamá?

◼ Ladügǘba Aritaguagülei wándaradi 3 lidan gádürü-hati, irumu 2015. Anhein wándaradi lubéi hadamuridagua lílana damuriguaü le ñein hubéi, mosu hadügüni amu weyu danme le anihein lan chansi tidan Luban Hadamuridagun. Anhein siñabei lubéi ladügǘniwa Adamuridaguni lánina Eseriwiduni, gayarati ladügün íbiri le ídehabei lun hawadigimaridun wéiyaaña lidan afiñeni lidan úarani aransehani lun lakutihóun fánreinti tídangiñeti programa létima huubei houn lílana damuriguaü amu weyu.

◼ Siñabei heresibirúniwa gürigia ha achülürütiña asubudirei turageirugu sukursáli wándaradi 8 lidan seingü-hati.

◼ Lidan fiu hati le sügühalibei, gumesewatu Wani Ministeriu ásügürawagüdüwa lidoun burí iñeñein: náhuatl de Guerrero (lúmagiñe duusu-hati, irumu 2014), chol, purépecha luma tojolabal (lúmagiñe bián-hati, irumu 2015). Gumesewaaru giñe Garüdia Atalaya to ídanboun ladarirúa arütíkulu dandu houn sun gürigia kei lun laturiahóun lidan damuriguaü ásügürawagüdüwa lidoun burí iñeñein: náhuatl del centro (lúmagiñe diisi-hati, irumu 2014), tlapaneco (lúmagiñe duusu-hati, irumu 2014), cakchiquel luma náhuatl de la Huasteca (lúmagiñe eneru, irumu 2015).