Buidutimalá wadügüni katei: dan le wapurichihan lidan fulasu le ñein tumuti saragu bísinisi

Ka uagu súdini lubéi? Kei nadagimein hamá hiibe-agei gürigia saragu oura sagü weyu, buídutimati lapurichihóun uganu luáguti Larúeihan Bungiu houn lidan fulasu le ñein lubéi hawadigimarida. Buíduheiti resultóu le ibihúbei dan le lapurichihóuniwa lidan fulasu le ñein tubéi burí bísinisi, lugundun súnwandan hadarirúniwa gürigia ha nadagimeinbaña ñein ani buiti heresibiruniña gürigia ladüga ariha hamaniña kei ha gayaraabei hagañeihan hama ámuñegü. Lun buidu lan lidin woun lidan luwuyeri apurichihani le, mosu warufudun lichú aau, lubuidun igaburi, sánsigua wagíame keisi lubudubu (2 Ko. 6:3). Mosu letenirun íbiri le arihibei lau apurichihani kada lan átiri dan lapurichihóua lidan fulasu le ñein tubéi burí bísinisi luma kátaña lan adügübalin.