Apurichiha waméi luéyuri lesefuruniña Heowá lumutuniña

“Luéyuri lesefuruniña Bungiu lumutuniña”

61:1, 2

• Layanuhóuña luagu dan le ídanbei líchiga Heowá chansi houn gürigia ǘnabugutiña lun hóunabun lun uganu luáguti esefuruni le apurichihóubei houn.

• Lidan furumiñeti sígulu, gumeseti “luéyuri lesefuruniña Bungiu lumutuniña” dan lagumeserunbalin Hesusu lani ministeriu lidan irumu 29, ani gumuti lidan weyu le lageindagunbei Heowá, dan le lagünrinchawagunbei Herusalén lidan irumu 70.

• Lidan wadaani, gumeseti “luéyuri lesefuruniña Bungiu lumutuniña” dan le lichugúnbei ubafu lun Hesusu keisi urúei sielu lidan irumu 1914 ani lagumuchuba lídanme saragu asufuriruni.

Biní lumutiña Heowá lumutuniña hau gürigia ha adügübalin “le úaraguabei”, ha ítarabaña “kei tídibu wewe”

61:3, 4

• Liibe-agei dan, úara laweinamuda tídibu burí wewe létima íñutimabei ubouagu lun ábanbei lan dabíara, ítara liña líchugun aban tídibu wewe erei lun le aban.

• Aba lagouchagun limiginagun burí lílagüle lúmagua ligía íderagubalin awandei burí liñawan dan.

• Daruguati lamuñadina tídibu burí wewe létima íñubei lau lirahüñü tídibu wewe, ánheinti ubanaü le burí ábürühabei múarugun seriwiti lun larandaragüdüni múa.

Lidan sun ubóu, resibi hamuti lílana damuriguaü kristiánu hídehan luma hóunigihan gürigia ha adügübalin “le úaraguabei” ha ítarabaña “kei tídibu wewe”, mini lan le hámagiñe kristiánugu anuadirúaaña ha añahaguabaña ubouagu.