“Inebe hamá bagübürigu bun”

Dan meha ubouagu lubéi Hesusu, ayanuhati luagu lisudinin gumadi le: “Inebe hamá bagübürigu bun” (Afu 20:12; Mt 15:4). Gayaraati meha lariñaguni Hesusu lira lugundun sigiti “laumeme laganbadi houn” lagübürigu dan meha nibureingili (Lk 2:51). Dan le laweiridunbei, adügati aransehani lun tounigirúniwa lúguchu lárigiñe lounwen (Hn 19:26, 27).

Uguñe weyu, arufudatiña nibureintiña kristiánugu inebe hamá hagübürigu houn lau gaganbadi hamá houn, ayanuha hagía houn lau inebesei. Úati irumudiri le uáguti gayara lan lariñawagún ñein lan lébeda gaganbadiwa lan lun gumadi le. Íbini dan le wéinamugaaña lan wagübürigu, mosu wasigirun arufuda inebesei houn lau wíchugun arigei lun lubuidun burí adundehani le híchugubei woun (Ari 23:22). Arufudatiwa giñe inebesei houn wagübürigu ha derebuguhaña lau wetenirun lun ligaburi hasandiragun houngua luma wíderaguniña lau seinsu le hemegeirubei (1 Ti 5:8). Meberesenga anhein nibureingidiwa lubéi o wéinamugaadiwa lan, súdiniti wasigirun ayanuha hama wagübürigu lun warufudun inebesei houn.

ARIHABÉI BIDÉU LÁNINA ABÜRÜHAGÜLEI WÍNWANTU LE GÍRIBEI IDA LUBA BAYANUHAN HAMA BAGÜBÜRIGU?, ÁBAMETI BÓUNABUNI ÁLÜGÜDAHANI BURÍ LE:

• Ka gayaraabei ladügün lun hénrengu lan bun bayanuhan hama bagübürigu?

• Ida luba barufudun inebesei houn bagübürigu dan le bayanuhan hama?

  

• Kaba buiti bibiha ánhabu áfaagua lun bayanuhan hama bagübürigu? (Ari 15:22).