Gayaraati san hafuranguagüdüni ka lan uagu afiñe hubéi luagu Bungiu?

Kaba hamuga hóunaba anhaün lálügüda somu gürigia ka lan uagu afiñe hubéi luagu Bungiu? Lun hóunabun lau ichouruni, mosu hadügün bián katei. Furumiñe, mosu hachoururuni hungua adügǘwarügü lan sun katei (Adü 17:11). Lárigiñe, mosu hasaminarun luagu ida luba lan hafuranguagüdüni le hafiñerubei (Ari 15:28).

LUN HASUBUDIRUNI KA LAN ÍCHUGUBEI ICHOURURUNI HOUN FIU GÜRIGIA LUAGU ANIHEIN LAN ABAN BUNGIU LE ADÜGÜBALIN SUN KATEI, ARIHA HUMÉI BIDÉU ABAN LISURUSIAN ABUN AFURANGUAGÜDEI KA LAN UAGU AFIÑE TUBÉI LUAGU BUNGIU LUMA ABAN SÁSAAMU LIDAN HATURIAHÓUN ANIMAALUGU AFURANGUAGÜDEI KA LAN UAGU AFIÑE LUBÉI LUAGU BUNGIU, ÁBAMETI HÓUNABUNI ÁLÜGÜDAHANI BURÍ LE:

• 

  Ka uagu afiñe tubéi Irène Hof Laurenceau luagu adügǘwarügü lan sun katei ani mama lan saliguarügüti lungua?

• 

  Ka uagu afiñe lubéi Yaroslav Dovhanych luagu adügǘwarügü lan sun katei ani mama lan saliguarügüti lungua?

• Ida luba hamuga hafuranguagüdüni lun somu gürigia ka lan uagu afiñe hubéi adügǘwarügü lan sun katei?

• Ka burí tídangiñe agumeiraguagüdüni to tíchuguboun lóundarun Heowá gayaraabei hakutihanu lun hachoururuni hungua adügǘwarügü wamá luma lun hasubudiruni ida luba lan hafuranguagüdüni houn amu?