“Lidan buga dan ligía, ábanmeme iñeñein hadimurehabei sun gürigia”

11:1-4, 6-9

Adügati meha Heowá lun hawaraüdagun gürigia maganbaditiña ha Babelibaña lau ladügün lun ámuñegueinarügü lan hererun. Ánheinti uguñe weyu, lóundaraguagüdüña saragu gürigia ha lídangiñetiña sun iñeñein luma néchani, ani larufudahaña “aban iñeñein harumati” houn “lun hagúaruni súngubei hagía liri Heowá seriwi hagíame lun lidan aban” (Sof 3:9, TNM; Aruf 7:9). Lau dimurei “iñeñein harumati” layanuhóuña luagu inarüni luáguti Heowá luma luagu lisuuni ítara kei láfuachun tidan Lererun.

Lun lafurendeirun aban gürigia amu iñeñein, úati buídurügü lan lafurendeirun burí dimurei. Mosu giñe lafurendeirun asaminara lidan amu igaburi. Ítarameme, dan le wafurendeiruni “iñeñein harumati” le lánina inarüni, sánsiti ligaburi wasaminan (Ro 12:2). Wayanuhaña luagu aban asansiruni le mararamagunti ani adügati lun lidan hamá aban sun lumutuniña Bungiu (1 Ko 1:10).