Hasagaruña san buiti tídangiñe garüdia Taturiahóun Lererun Bungiu sagü weyu?

Aliiha humuti san bérusu le lánina sagü weyu luma ariñahani le tídanbei Taturiahóun Lererun Bungiu sagü weyu? Anhein mechun hubéi adügei lira, gayaraati san hatatirun adügei? Gíbetiña aliiha hamuti bérusu dan le binaafingili. Ítara gayaraabei hasaminarun luagu le haliihabei sun añaha lan adügei haberesegun (Hos 1:8; Sal 119:97). Ida lubatima hasagarun buiti lídangiñe haliihani bérusu le lánina sagü weyu? Aliiha huméi giñe bérusu le lubaragiñebei luma le lárigiñebei lun gunfuranda humani buidu. Samina humá luagun aban abahüdaguni tídangiñeti Bíbülia le arufudubalin lisudinin adundehani le lídanbei bérusu. Lárigiñe, ábame hafalaruni lidan hibagari. Dan le wafalaruni adundehani le tídanbei Lererun Bungiu lidan sun le wadügübei, ígiratiwa lun tadundehaniwa ani buiti lidin woun (Sal 119:105).

Akutiha hamutu íbirigu ha tídanbaña burí Beteli to lídanboun sun ubóu garüdia Taturiahóun Lererun Bungiu sagü weyu sagü binaafin lubaragiñe hagumeseruni hawadigimari. Lidan burí irumu le málügilibei lúmagiñe lásügürün rúaali ariñahani burí le lidan JW Broadcasting^® lidan luwuyeri bidéu PROGRAMA LUMA ADAMURIDAGUNI. Átirihali dan ásügürüti lúmagiñe harihin aban lídangiñe? Másiñati ligía lan hemegeirubei haganbun. Ariha waméi ka lan gayaraabei wafurendeiruni lídangiñe le lásügürübei Lotu?

ARIHA HUMÉI BIDÉU MÍNSIÑEDALA LIGABURI UBÓU HUN (1 HN 2:15), ÁBAMETI HÓUNABUNI ÁLÜGÜDAHANI BURÍ LE:

• Ka adundehani tídangiñeti Bíbülia ídangiñebei lasagarúa áhuduraguni lun Bungiu le lánina binaafin?

• Ida liña larufuduni likesin Lotu wuriba lan línsiñedun ubóu o katei lánina ubóu woun? (Agu 13:12; 14:12; 19:3, 12, 13, 24-26).

• Ida liña warufuduni hínsiñe lan Heowá woun ani mínsiñe lan ubóu ni katei le lídanbei woun?