Nibureinti, Heowá san bumada le úmabei buídutima lan banaagun bungua?

Ka bagurabubei lúmagiñe aban umadaü? Másiñati aguraba ban lun úaragua lan bun, buidu lan ligaburi ani gíchigadi ligía. Ítara liña Heowá (Afu 34:6; Adü 14:17). Aganba lumutibu dan le bafurieidun lun, íderagualabu sagü bemegeiruni (Sal 18:19, 35). Ani feruduna lumutibu dan le bachararun (1 Hn 1:9). Aban umadaü buiti Heowá, adián?

Ka lunbei badügüni lun lumada ban Heowá? Aliihabóun Bíbülia lun basubudiruni buidu ani afiñebá luagu (Sal 62:8; 142:2). Arufudabéi lun le lan súdinibei lun ligía lan giñe súdinibei bun, kéiburi Lisaani, Larúeihan luma füramasei le adüga láalibei lubá ámuñegü. Ayanuhabá luagu Heowá houn amu (2 Lu 32:3). Ánhabu adüga aban umadaguaü buiti luma Heowá, búmabei lun súnwandan (Sal 73:25, 26, 28).

LÁRIGIÑE BARIHINI BIDÉU NIBUREINTIÑA: “ARIHA HUMÉI HUNGUA BUIDU LAN HEOWÁ”, ÓUNABABEI ÁLÜGÜDAHANI BURÍ LE:

• 

  Ida luba baranserun lun bederegeruni bibagari lun Heowá ani badisei buguyame?

• 

  Ka gayaraabei hadügüni íbirigu ha lílana damuriguaü lun híderagunibu lun buídutima lan beseriwidun lun Heowá?

• 

  Ka uagu gayara lubéi líderagunibu apurichihani lun bederebudagüdüni bumadagua luma Heowá?

• 

  Ka burí katei gayaraabei badügüni lun baganwoundagüdüni beseriwidun lun Heowá?

• Kátima hínsiñebei bun luagu Heowá?