Apurichihatiña san würiña gefentiña luagu Heowá?

Anha. Apurichihatiña sun gefentiña luagu Heowá ani saraguñanu míñunu würiña wadan. Ariñagatu Bíbülia saragu haña lan würiña íchigei luganute Bungiu (Sálumu 68:11).

Áyeiha hamuti würiña gefentiña luagu Heowá hénpulu buiti le híchugubei würiña ha uágubaña tabahüdagua Bíbülia (Ariñawagúni 31:10-​31). Lau sun marufudahan hamá houn lílana damuriguaü, apurichihatiña lau ubebeni houn sun ha hadarirun dan le hagunfulirun lau hani ministeriu. Gúnfulitiña giñe lau aban wadagimanu súdiniti lau harufudahani adundehani méiniti le tídanbei Bíbülia houn hasaanigu (Ariñawagúni 1:8). Áfaaguatiña giñe lun harufudahan katei buiti houn amu dandu lau hani hénpulu kei lau hererun (Titu 2:​3-5).