Sanditün san gíbeya lan katei lun hichügü?

“Lau sun chülǘ lan dan houn sun gürigia lun hasandirun gíbeya lan katei lun hachügü, wéiriyati le nuágubei. Ani mámarügü aban turobuli wéiriti adügübei lun nasandiragun nungua ítara, adügati saragu lénrengunga lun ítara lan. Barühadina saragu irumu óunigirei nani weiriei le sándibei dandu luéigiñe lúgubu kei luéigiñe lichügü” (Julia).a

“Kei aba lubéi tígirunina nani weiriou, aba nagüriahaniña nisaanigu nábugua ani hénrenguti meha lira nun. Lanwoun lira, féridi numuti nuadigimari ani maseinsuntina meha lun naranseragüdünu nugune. Ibidiñeti meha nun kaba lan nadüga. Sanditina meha siñá lan nun. Subuditi meha nun moun lumuti lan nagidaruni nibagari, ligía meha nayumuragunbei lun Bungiu lun lagidaruni nibagari nuéi” (Barry).