Gayaraati hibihini adundehani súdiniti le lúmagiñeti Bungiu
“Sun le bürüwañubei tidan Lererun Bungiu, Bungiu guánarügü íchugubalin” (2 Timotéu 3:16). Dimurei Bungiu guánarügü íchugubalin, mini lan, Bungiu lan íchugubalin le labusenrubei labürüdǘn lidoun hasaminan gürigia ha abürüdübarun Bíbülia.
Busenti Bungiu lun hasagarun buiti lídangiñe adundehani súdiniti le
Au, Heowá “arufudaha numuti le buídubei bun, adundeha numutibu luéigiñe üma le lunbei bafalaruni. Adügaadibu hamuga gasu lau nererun! Aganwoundeina liña hamuga lubuidun dan bun kei duna éibaaguati, ítara liña hamuga bawanserun kei lugudi barana” (ISAÍASI 48:17, 18).
Gayaraati heresibiruni dimurei le kei aban agunbiraagülei le ladügübei Bungiu hun. Busenti lun darangilu lan hasandiragun hungua luma lun gunda humá lun súnwandan, ani gayaraati líderagunün lun hibihini.
Gayaraati hadariruni adundehani súdiniti le lúmagiñeti Bungiu
“Lapurichihóuba uganu luáguti asalbaruni houn sun néchanigu” (MÁRÜKOSU 13:10).
Afuranguagüdati “uganu luáguti asalbaruni” le, luagu füramasehaali lan Heowá yarafaali lan lagumuchun lau asufuriruni, ladügübei lan sun Ubóu paraísume ani giribugüda leime habagari waduheñu hama wamadagu ha hilaguaañabaña houn. Hapurichihañein gefentiña luagu Heowá uganu tídangiñeti Bíbülia le lidan sun ubóu.