Kátaña láganiñubaña Bungiu?

Mafia le Satanási ligía lágani Bungiu le timaatibei. Aban sífiri gürigia ébedaaguti lun Heowá. Anihagua Satanási ageindagua luma Bungiu, agubuhati giñe óunwenbu burí turóbuli houn sun gürigia ubouagu. Satanási aban sífiri gürigia salufuriti, yeeti, gáfarahati giñe (Huan 8:44).

Añahein amu sífiri gürigia aba húaradun luma Satanási lidan lébedaagun lun Bungiu. Máfianu tagúahan Bíbülia houn. Dandu Satanási kei máfianu háganiñu sun gürigia garaüwarügütiñu. Hínsiñeti houn hadügün damichi houn gürigia (Matéu 9:32, 33; 12:22). Lagumuchaguagüdübaña Heowá Satanási hau lumáfianu lun súnwandan. Murusunrügaali hadaani lun hadügün damichi houn gürigia (Arufudúni 12:12).

Anhein busén hubéi lumada humá Bungiu, moun lumuti hadügüni le labuseerubei Satanási. Iyereeguti Heowá lun Satanási luma houn lumáfianu. Láganiñu Bungiu hagía, busentiñu giñe lun láganiñu wamá. Ligía mosu lubéi wanúadahan kaba lan wagundaaragüda: Satanási o Heowá. Anhein busén hubéi hawinwandun lun súnwandan, mosu desidírü humá hadügüni le aubei lagundaara Bungiu. Subuditi Satanási sun luwuyeri igaburi lun leyeeduniñu gürigia ani yusuti bürübünü sádara lun ladügüni. Ítara liña libihin leyeedun besafu gürigia (Arufudúni 12:9).