“Ínsiñeni Bungiu”

1. Dan ladügün Bungiu katei

ínsiñeni lébubei,

arihúati furangu

lidan le ladügübei.

Üma le adügǘbei buidu

ínsiñehabuni le,

Bungiu arufudubalin

mébehati üma le.

2. Anhein níchiga numegen

luma sun nibagari

lidan mínsiñehabuni

sun le, katei móuniti.

Buiti hínsiñehabuti

ani gíchigaditi,

gamadounti hama amu,

ani gídehaditi.

3. Danme gañi ban houn amu

mosu lásügürün buéi,

lunti báyeihani Bungiu

lidan ínsiñeni le.

Dan le hínsiñe lan Bungiu

hama bíbirigu bun,

ñeinbei bandi katei buiti

lunti líchuguni bun.