Uremu 10
“Anahán óunahabana”
(Isaíasi 6:8)
1. Heowá, iri le sándubei,
ligía anabawagubei,
hariñaga furunde lan
o íbini ua lan Heowá.
“Ka lunbei lidin hábiñe
ayanuha houn nuéigiñe?”
“Heowá, óunahabana houn,
nayanuhaba buagu houn.
(LEYA ÁGUYUGUAGÜDÜWABEI)
Lubuidun chansi kei le úabei.
Nídiba, Nubungiute.”
2. Saragu haña ariñaga
meberesen lan Bungiu wau;
houn búngiugu hedewehei
le yuubei lun Wabungiute.
“Ka lunbei leweridihan
anite lan nasiadihan?”
“Heowá, óunahabana houn,
lun nidin lau uganu houn.
(LEYA ÁGUYUGUAGÜDÜWABEI)
Lubuidun chansi kei le úabei.
Nídiba, Nubungiute.”
3. Lun Bungiu hayumuragua
sun ha gagarigubaña;
memeniha hanigi lun
lachülürün gurasu houn.
“Ka lunbei larufudahan
houn sun ǘnabugutiña?”
“Heowá, óunahabana houn,
nanügüba gurasu houn.
(LEYA ÁGUYUGUAGÜDÜWABEI)
Lubuidun chansi kei le úabei.
Nídiba, Nubungiute.”
(Arihualá giñe Sal. 10:4; Ese. 9:4.)