Uremu 13
Furíei lánina eteingiruni
(Sálumu 95:2)
1. Suntigabafu, Labureme ubóu,
garichatibu lun balawahóun.
Dan le nafurieidun rútibu fe,
teni buguya nun siélugiñe.
Lau sun barihin chará nan, Heowá,
ídehatibu lun méiguadun nan.
Lau lita Kristu bachibei figóu,
salba hamaamuga lílana ubóu.
2. Gúndaatina lau banügünina
lábugiñoun sun bamuñadina!
Íderaguabana asubudirei
üma le lunbei nafalaruni.
Ñeinbei funa san gabafuti buéi?
Rútibu erei lun débiliti.
Danme Barúeihan lidan Ubóu
buin luba lau le busén bubéi woun.
3. Nídehaba lun lasubudirún
luagu banügüba lan buiti woun:
danme le liabin Arúeihani,
úaalime íruni ni óunweni.
Sun katei le Krístuba agidarei,
gúndaabei sun le gabagaribei.
Teinki numutibu luagu sun le
Bungiu Nabureme, le Urúeibei.
(Arihualá giñe Sal. 65:2, 4, 11; Fili. 4:6.)