Uremu 31
Gefentiña luagu Heowá wagía
(Isaíasi 43:10-12)
1. Le ibidiñehabubei
lun Wabungiute Heowá
ruti uéiriguni
houn guáriua.
Amu bungiu luéi Heowá
míchubei subudi woun
luagu sun le aniteguabei
ámuñegü ubouagun.
(LEYA ÁGUYUGUAGÜDÜWABEI)
Kei gefentiña wabéi
luagu le ladügübei,
mosu wayanuhan súnwandan
luagu liricha Heowá.
2. Rútiwa uganu ya
luagu luéirigun Heowá,
luáguti liricha
lun larúeihan.
Ruti uganu buiti le
chansi lun le aganbubei,
lun liabin wama eseriwidei
Bungiu Heowá Warúeite.
(LEYA ÁGUYUGUAGÜDÜWABEI)
Kei gefentiña wabéi
luagu le ladügübei,
mosu wayanuhan súnwandan
luagu liricha Heowá.
3. Rútiwa inebesei
lun Heowá Wabureme,
lun lueirin liri,
le harumabei.
Háfuga wadügün lun
hánharun gürigia lun.
Mosu wayanuhan súnwandan
luagu ligaburi Heowá.
(LEYA ÁGUYUGUAGÜDÜWABEI)
Kei gefentiña wabéi
luagu le ladügübei,
mosu wayanuhan súnwandan
luagu liricha Heowá.
(Arihualá giñe Isa. 37:19; 55:11; Ese. 3:19.)