Ka hemegeirubei familia lun gunda lan habagari?

Hariñaguña hamuga san megei hamá...

LE TARIÑAGUBEI BÍBÜLIA

“Fuleseiwatimatiña ha aganbubalin ani adüga haméi le lubeibei Bungiu!” (Lúkasi 11:28, Sandu Bürütu.)

Wadarirubei ínsiñeni le inarüniti (Éfesuna 5:28, 29).

Warufuduba inebesei (Éfesuna 5:33).

Chóurubei wasandiragun woungua (Márükosu 10:6-9).

Anha, wayanuha luagu biama lídangiñe:

Bungiu adügübalin familia. Ariñagatu Bíbülia luagu lúmagiñe lan Heowá Bungiu “heresibirei sun iduheñu [...] hiri” (Éfesuna 3:14, 15). Lidan amu dimurei, anihein lubéi familia ladüga ladügüni Heowá. Ka uagu súdini lubéi wasubudiruni katei le?

Samina huméi le: lun hamuga héigiña lan aban éigini semeeti ani busentün hasubudiruni ka lan laganagubei, kaba hamuga hálügüda? Chóuruti hálügüdüñein lan hamuga gürigia le o to adügübalin éigini ligía.

Ítarameme, anhein busén hubéi hasubudiruni kaba lan hadüga lun ñein lan ugundani lidan hufamilian, buítimati hálügüdüni Heowá, le adügübalin familia (Agumesehani 2:18-24).
Bereseti Bungiu wau. Dandu huguya kei sun hiduheñu buídubei lun háluahani ladundehan Heowá tidan Bíbülia, lugundun bereseti hau ani “lóunigiruñadün le tímatimaati” (1 Féduru 5:6, 7). Busenti Heowá lun buidu lan lidin woun. Ani súnwandan buidu lan ladundehan (Ariñawagúni 3:5, 6; Isaíasi 48:17, 18).

Kaba san nadüga lun buidu nan keisi wügüri maríeiti, keisi würi maríeitu o kei úguchili?

Hadarirubei óunabagülei tídangiñeti Bíbülia lidan ÉFESUNA 5:1, 2 luma KOLOSANA 3:18-21.