Ebelaagülei lun fánreinti 1

Gumesetu Bíbülia lau tabahüdagun woun luagu ladügüni Heowá sun katei buíduburiti le siélubei luma le ubouagubei. Anhein gasaanigu hubéi, íderagua humaña etenira lun sun luwuyeri katei buíduburiti le ladügübei Bungiu. Afuranguagüda huméi houn buídutima lan ligaburi ladügüniña Heowá gürigia sügǘ hau animaalugu, lugundun adügati lun wayanuhan, wasaminarun, wadaagun katei iseri, weremuhan luma wafurieidun. Íderagua humañame arihei weiri lan lubafu Heowá luma lichú lau, ani lóugiñe sun katei, weiri lan ínsiñeni le lasandirubei luagu sun le adüga láalibei, íbini luagu kada aban wádangiñe.