Ebelaagülei lun fánreinti 6
Belutiña ísüraelina lidoun Fulasu Füramasewati ani sanduariuharu meha muna to ídanboun láhudurawagua lun Bungiu inarüniti. Fádirigu meha arufudahabalin Lúrudu houn ísüraelina, ánhañati alidihatiña, hagía meha adundehabaliña. Lidan fánreinti le, wafurendeiruba gayara lan wadügün buiti o wuribati houn amu lau le wadügübei o desidírü wabéi. Lunti meha lagunfulirun kada ísüraelina lau le lagurabubei dandu Bungiu kei gürigia lúmagiñe. Ayanuha humá luagu le hafurendeirubei ísüraelina túmagiñe Débora, Noemí, Hosué, Ana, lisaani Hefüté luma Samueli. Afuranguagüda huméi óundara hamá meha giñe íbini gürigia ha mámabaña ísüraelina, kéiburi Raabü, Rudu, Haeli hama gabaónna, hamoun ísüraelina ladüga subudi hamani anihein lan Bungiu hama.