UREMU 136
Líchuguba Heowá “bafayeiruaha”
(Rudu 2:12)
1. Lau lueirin bugundan beseriwidei
Babureme Bungiu Heowá.
Subudi lumuti anihein lan dan
basandirun hénrengu lan.
Kei ígira bani sun búmati lun
beseriwidun lun Heowá,
ladügüba Bungiu lun gibe hamá
biduheñu lun súnwandan.
(LEYA ÁGUYUGUAGÜDÜWABEI)
Rulei Bungiu bafayeiruaha bun,
binilei giñe le badügübei.
Góunigilabu Bubungiute
le úaraguabei; le gúnfulibei.
2. Kei ru lan ubóu le idiheri bun
darí lun maguraasun ban,
bafurieida lun le Aganbubalin
wafurieidun lun súnwandan.
Subudi lumuti nidiheri ban
ladügüba lun here ban,
ladügüba giñe lun gayara lan
bawinwandun lun súnwandan.
(LEYA ÁGUYUGUAGÜDÜWABEI)
Rulei Bungiu bafayeiruaha bun,
binilei giñe le badügübei.
Góunigilabu Bubungiute
le úaraguabei; le gúnfulibei.
(Ariha huméi giñe Ali. 11:38-40, TNM; Isa. 41:10).