LEKSIÓUN 1

Ebelaagülei buiti

Adügaü 17:22

LE LUNBEI HADÜGÜNI: Lunti ladügün ebelaagülei le hayusurubei lun habusenrun gürigia haganbunün, larufuduni furangu kaba lan uagu hayanuha, arufudaléime ka lan uagu lunti lubéi hebereserun gürigia lau.

IDA LUBA HADÜGÜNI?

Adüga humá lun habusenrun gürigia haganbun. Adüga humá aban álügüdahani o írida humá somu ariñahani, sügǘ o ñunsu le adügüti lun habusenrun gürigia haganbun.

Samina humá furumiñe luagu le uágubei gayara lan habusenrun gürigia haganbun o le adiheridagüdübaliña, ábameti hayusuruni katei ligía lun hagumeserun ayanuha.
Arufuda huméi furangu kaba lan uagu hayanuha. Adüga huméi sun hiyaraati lun larihíniwa lidan ebelaagülei le hayusurubei kaba lan uagu hayanuha luma ka lan habusenrubei hibihin.
Arufuda huméi ka lan uagu súdini lubéi le uágubei hayanuha. Aransegua huméi le lunbei hariñaguni lun lúaradun luma le lemegeirubei gürigia laganbun. Mosu furangu lan houn ha aganbubalün gayaraabei lan lahuudun ariñahani ligía houn lidan habagari.

Danme haranseruñein lan yanu le lunbei híchuguni, álügüdagua humá hungua: “Ka burí lénrengunga úmabei hagagibudagua lílana damuriguaü?”. Ábameti gabaroun humani lira danme haransehani lebelaagüle hiyanun.