Águyuguagüda huméi puntu le súdinitimabei

Ebüréu 8:1

LE LUNBEI HADÜGÜNI: Íderagua humaña gürigia ha aganbubalün lun madireirun hamani hasaminan luéi hiyanun ani arufuda huméi ida liña lan lúaradun kada puntu súdiniti luma le uágubei layanuhóua lidan yanu luma le habusenrubei hibihin lau.

IDA LUBA HADÜGÜNI?

• Subudi huméi ka lan habusenrubei hibihin. Samina humá luagun le habusenrubei hibihin lau hiyanun: hasubudiragüdün somu katei houn gürigia ha aganbubalün, hadügün lun hachoururuni inarüni o hínchahaniña adüga somu katei, ani gabaroun huméi lira danme haranseruni hiyanun. Anúadira huméi puntu súdiniti le ídehabei lun hibihini le habusenrubei.

• Arufuda huméi ka lan akutihóubei lidan hiyanun. Eibu híchuguni hiyanun, águyuguagüda huméi burí dimurei le ídehabei lun lasubudirúniwa kátima lan uagu hayanuha.

• Afuranguagüda huméi puntu burí le súdinibei lidan aban igaburi le ménrengunti gunfurandawa lan. Punturügülá le gayaraabei hafuranguagüdüni lidan dan le ichugúbei hun hanúadira ani le úarati luma le uágubei hayanuha. Fiurügülá puntu méiniti hanúadira ani írida huméi furangu. Ráramagua humá murusun lubaragiñe híridun amu puntu, másügüra humá lídangiñe aban puntu lidoun amu sódini.