LEKSIÓUN 16
Ru humá dǘgüdaguaü lau hererun
Hobu 16:5
LE LUNBEI HADÜGÜNI: Mamalá lun turobuli hetenira, ténitima humá lun laranseha luma lun katei burí le ruti dǘgüdaguaü houn gürigia ha aganbubalün.
IDA LUBA HADÜGÜNI?
Masaminara humá wuriba hawagu gürigia ha úmabaña hayanuha. Afiñe humá busén hamá híbirigu hagundaaragüdüni Heowá. Anhein gayara, danme mosu lan híchugun adundehani, houcha humá lun híchugun dǘgüdaguaü furumiñe.
Mibelá katei wuribati híridun. Anhein megei hubéi hayanuhan luagu burí katei wuribati, mírida humá lóugiñe le mégeiwabei. Lunti luágutima lan katei le ruti dǘgüdaguaü hayanuha.
Yusu humóun Lererun Bungiu buidu. Írida huméi le adüga láalibei Heowá, le ladaagubei guentó luma le lunbei ladügüni hawagu gürigia ámuñegü. Adüga humá lun hemenigi hamá gürigia ha aganbubalün luma lun ganigi hamá.