Ariñahani houn lílana adamurini

BADISEI. Adüga hamaali wéiyaaña lidan afiñeni aransehani le mégeiwabei, según le gádanbaliña lílana damuriguaü, lun habadiseirun ha lúnbaña habadiseirun danme le lagumuchun programa le lánina samudi binaafin.

BUDAGIA. Sügügüdawati adamurini le lidoun lóugiñe 400 iñeñein. Ídehati budagia le híchugubei lun lamainirúniwa wadagimanu lánina apurichihani le adügǘbei lidan sun ubóu. Gayaraati híchugun hani budagia luéigiñe donate.jw.org. Óunwenbu seremei luagu sun budagia le híchugubei. Busentiña giñe lílana Sétanu le Arihibei lau Hawadigimari Gefentiña luagu Heowá híchugun seremei hun luagu hídehan ítara lun lawanserun luadigimari Larúeihan Bungiu.

Bián íbirigu würiña apurichiha lau aban tarufudaagüle agumeiraguagüdüni ani hayanuhaña luma aban wügüri índiana.

LESKUELA HOUN APURICHIHATIÑA LARÚEIHAN BUNGIU. Agunbirahóutiña prekursorugu ha gúnfulihaña lúmagiñe 23 darí 65 irumu, ha busentiña haganwoundagüdüni heseriwidun, lun hayanuhan luma seküretáriu le lídanbei damuriguaü le ñein habéi o lun habuinchagüdün gárada luéigiñe Internet lun hamuriahan lun hagunbirahóun tidoun Leskuela houn Apurichihatiña Larúeihan Bungiu.

Laransehan Sétanu le Arihibei lau Hawadigimari Gefentiña luagu Heowá lidan sun Ubóu