Aranseñu humá lun hadügün disipulugu

Le meha ladügübei Hesusu

BIDÉU: Larufudahan Hesusu lun Nikodému

1. Ariha huméi BIDÉU o aliiha huméi Huan 3:​1, 2. Ábameti hasaminarun luagun álügüdahani burí le:

1. Háfuga ka meha uagu guñoun lubéi lidin Nikodému áluahei Hesusu? (Ariha huméi Huan 12:​42, 43).

2. Ida liña meha larufuduni Hesusu aranseñu liña lan lun ladügün disipulugu?

Ka wafurendeirubei lúmagiñe Hesusu?

2. Kei hínsiñe habéi gürigia woun, sanditiwa woun lan yu lan wíderaguniña lun lani hamá Hesusu disipulugu.

Áyeiha huméi Hesusu

3. Ru huméi aturiahani lun gürigia lidan oura luma fulasu le buídutimabei lun. Himei lumuti san gürigia laturiahan lidan ítaga oura luma ítaga weyu? Halía san lasandiragua lungua buidu lun laturiahan: lidan luadigimari, lúbiñe o lidan amu fulasu? Sagü gayara lan hadügüni, sansi huméi hóurate lun lúaradun luma lóurate aturiahati.

4. Adüga huméi sun hiyaraati lun meferidirun lan gürigia ni aban aturiahani. Anhein úabadün lubéi, mígira huméi aturiahati maturiahanga, lubaragiñe lira, ka uagu mouchun hubéi hadügün aban lídangiñe ǘrüwa katei le?

1. Haturiahan luma amu weyu lidan semana.

2. Haturiahan luma luéigiñe telefonu o luéigiñe Internet.

3. Hamuriahan luma amu íbiri lun líchuguni aturiahani lun huagu.

5. Furíei humá lun harihini aturiahati lau aban lubuidun igaburi. Furíei humá amuriaha luma Heowá lun líderagunün lun mábürühan lan harüna dántima le harihini dísegua lan laturiahan gürigia o hénrengu lan lun lun lawinwanduni le lafurendeirubei (Fili. 2:13). Amuriaha humá giñe luma Heowá lun líderagunün etenira lun lubuidun burí igaburi le luágubei aturiahati. Chóuruti gibe lan!