Ka hisaminanbei?

Gayaraati san tíderagunün Bíbülia lun gamadagua humá luma Bungiu?

LE HASAMINARUBEI FIÚ GÜRIGIA

Añahein saminatiña siñá lan gamadagua hamá luma Bungiu ladüga wuriba lan hasandiragun houngua luagu katei wuribati le hadügübei. Ariñagatiña amu gürigia meberesen lan Bungiu wau. Agia huguya, ka hisaminanbei?

LE TARUFUDAHABEI BÍBÜLIA

Gamadaguati Bungiu hama gürigia buítiña (Ariñawagúni 3:32). Ánhawa gaganbadi lun, gayaraabei lumadagu wamá.

KA AMU KATEI TARUFUDAHABEI BÍBÜLIA?

Busenti Bungiu lun gamadagua lan wama (Santiagu 4:8).
Kei aban umadaü buiti, busenti Bungiu líderaguniwa ani feruduna láwame (Sálumu 86:5).
Mosu iyereegu lan le iyereegubei lun Bungiu houn lumadagu ani hínsiñe ligíame le hínsiñebei lun houn (Rómana 12:9).

Anhein busén hubéi lanwoun ariñahani luagu ida luba lan hawinwandun kei aubei lagundaara Bungiu, akutiha huméi kapítulu 12 tidan líburu to, Kátima san tarufudahabei Bíbülia?, hadügün gefentiña luagu Heowá. Anuhein giñe lidan www.jw.org/cab.