Adügüwalá liri Bungiu sándume
1. Ka san liri programa lani adamurini sirkuitu, lánina eseriwiduni lani irumu 2012 ani ka lébunabei?
1 Lúmagiñe irumu 1931 gumesewatiwa asubudirúa kei gefentiña luagu Heowá, ma lueirin wagundan ladüga barǘ wamani liri Bungiu le Suntigabafu! Ligía guánarügü íchugubalin liri wawagu (Isa. 43:10). Wéiriti meha lanügüni Hesusu liri Lúguchi, ligíati líchugunbalin lidan furumiñeti lúgaaru lidan furíei le gíribei Wáguchi Bungiu (Mat. 6:9). Ruti dimurei burí le lariñagubei Hesusu, ébunaü lun liri programa le lánina adamurini lánina sirkuitu lun irumu lánina eseriwiduni 2012: “Adügüwalá liri Bungiu sándume”.
2. Kaba san waganba lidan adamurini lani sirkuitu?
2 Kaba waganba: Samudi waganbubei yanu le gíribei “Subudigüda waméi liri Bungiu lau weseriwidun lidan dan dayarüti”, lakutihóuba ida liña lan lanügün eseriwiduni lidan dan dayarüti ugundani woun. Waganbubei giñe aban sinposiu le gíribei “Duari wamá luéi wawiyeduni liri Heowá”, líderagubadiwa sinposiu le, lun méiguadun wamá tidoun gádürü sádara kamanitu. Lidan yanu le gíribei “Ka uagu mosu lubéi ladügǘn liri Bungiu sándume” lounabúba álügüdahani kéiburi, kaba san íderaguawa apurichiha lau ubebeni, dan le meberesen hamá gürigia lau uganu le wapurichihabei? Luma, kaba íderaguawa lun buidu lan lidin woun lidan wani ministeriu? Dimaasu waganbuba aban sinposiu lauti gádürü yanu le lunbei larufuduni, ida luba lan wadügüni liri Bungiu sándume lau ligaburi wasaminan, wayanun, le desidírü wabéi luma wóuserun. Busenbaña íbirigu ha málügiña eseriwida lun Heowá lun haganbuni yanu houn sun gürigia le gíribei, “Ladügüba Heowá lun sandu lan liri lidan Arümahedón”.
3. Ka idan gayara lan gafanran wamá ani ida luba líderaguniwa programa lánina adamurini lani sirkuitu?
3 Yarafa madise, ladügüba Heowá lun sandu lan liri (Ese. 36:23). Lubaragiñe lasuseredun le, gayarati gafanran wamá lidan lasubudiragüdüniwa sun luáguti liri Heowá le sagüráubei. Chouru wamuti líderagubadiwa lan programa lánina adamurini lani sirkuitu le, lun wagunfulirun lau kárugu sériuti lánina wanügüni liri Heowá.