Aban igaburi buiti lun wagundaarun lau burí uremu lun walawahani Heowá
Ariha hamuti lubueingu Bungiu músika kei aban lubuidun idewesei lúmagiñe Bungiu (Sant. 1:17). Ligíati, lidan saragu damuriguaü ru hamuti uremu lun lalawahóuniwa Heowá kei músika mereti lamuri le aganbahoubei dandu lubaragiñe kei lárigiñe adamuridaguni. Dan le wachülürün tidoun Luban Wadamuridagun ani aban waganbuni uremu burí le, ruti ñuruguaü tun wanigi ídehati giñe lun waranseruni wasaminan lubá wáhuduragun lun Heowá. Ídehati giñe waganbahani uremu le tídanbei waliburun lánina uremu lun wafurendeiruni luma lun buídutima lan weremuhani. Lárigiñe Adamuridaguni ídehati músika lun gayara lan wayanuhan wámagua ani lun wíchugun gurasu wóuniwagua. Gayarabei hadügün wéiyaaña lidan afiñeni aransehani lun laganbahóun uremu lídangiñe Cantemos a Jehová (acompañamiento de piano) lubaragiñe luma lárigiñe adamuridaguni, gama lumoun lunti hachoururuni lun madügün lan laganbun lamuri uremu lun siñá lan waganbun wayanuhan.