Barǘ humaña profetagu keisi aban hénpulu: Amosu
1. Ka uagu gayara lubéi líchugun lani Amosu hénpulu dǘgüdaguaü woun?
1 Saminañahaadün san siñati lan hapurichihan ladüga gudeme humá o ladüga murusunrügüñein lan haleskuelahan? Anhein ítara liña lubéi, gayarati líchugun hénpulu le líchugubei Amosu dǘgüdaguaü hun. Aban meha hóuniri mudún ǘnabuguti ligía ani adügati meha wadagimanu le adügǘwarügüti fiú wéiyaasu lidan irumu, gama lumoun aban líchugun Heowá chansi lun lun lasubudiragüdün aban uganu súdiniti (Amos. 1:1; 7:14, 15). Uguñe weyu, yúsuti giñe Heowá gürigia ǘnabugutiña (1 Ko. 1:27-29). Ka amu katei wafurendeirubei lídangiñe lani Amosu hénpulu le lunbei líderaguniwa lidan wani ministeriu?
2. Ka uagu gayara lubéi úaraguameme wamá dan le wagagibudagun luma burí óuchawaguni lidan wani ministeriu?
2 Óuseramemeti lau úaraguni íbini meha gagibugua lan luma óuchawaguni. Dan le lasubudiragüdübalin Amosu lani profesía houn lílana diisi türibu ha meha lábugiñebaña arúeihani le luéigiñebei nórute libiti Ísüraeli, aba labuguni Amasíasi —fádiri le arihubei lau áhuduraguni houn harahüñü bágasu— ñéingiñe, ariñaga ligía lun lun lígiruniña lílana fulasu ligía houngua ladüga gánihaña lan relihión (Amos. 7:12, 13). Lun libihin Amasíasi lun líchugun urúei Heroboamü gumadi lun Amosu lun hebé lan lagunfulirun lau luadigimari, aba lagarabaaguni dimurei burí le lariñagubei profeta le (Amos. 7:7-11). Gama lumoun, mígiraguagüdünti Amosu lungua lun hanufudedaguagüdüni. Uguñe weyu, añahein giñe lílana relihión álugutiña ídemuei hama laburiña polítika lun hagubuhan turóbuli houn lumutuniña Bungiu. Gama lumoun, chóurugüda lumuti Heowá úaboun lan ni aban áruma ibihitu tagünrinchaguniwa (Isa. 54:17).
3. Ka biama katei uágubei wapurichiha uguñe weyu?
3 Ayanuhati luagu laguseragüdün Bungiu luma luagu abinirúni le lunbei lanügüni ámuñegü. Lau sun meha aban lan uganu lánina asiadiruni lasubudiragüdübei Amosu houn lílana diisi türibu ísüraelina lidan lani profesía, gumú lumutu líburu tídangiñetu Bíbülia to anügübalin liri lau füramasei le ladügübei Bungiu libügürü lagiribudagüdübaña lan lumutuniña hageiroun ani labinirubaña lan (Amos. 9:13-15). Subudigüda wamuti giñe luagu anite lan “luéyuri guséi” le lunbei lanügüni Bungiu, gama lumoun mámarügüñein katei le wasubudiragüda lídangiñe “uganu buiti le luáguti larúeihan Bungiu” (2 Fe. 3:7; Mat. 24:14). Ladaarubei Heowá üma lun ladügǘniwa Ubóu le ábanme paraísu danme le lagumuchun hau sun wuribatiña lídanme Arümahedón (Sal. 37:34).
4. Ka achoururagüdübalin woun luagu gayara lan wadügüni lugundan Heowá?
4 Chóuruti arufuda lani wapurichihani uganu buiti luáguti Larúeihan Bungiu haganagua saragu gürigia ha kóntüratiña lun anhein le lubéi lúgubu desidírühadiwa lan wawinwandun kei gürigia ha deregeguaaña houngua lun Heowá ani busén wamá wadügüni lugundan (Huan 15:19). Lau sun lira, chouru wamuti lasigiruba lan íderaguawa lun wadügüni lugundan, ítara kei meha ladügüni Amosu (2 Ko. 3:5).