“Anhaün ánhara tun nani agumueiraguagüdüni nánharuba tun hani”

Añahein gürigia márügüdün hamutu wani agumeiraguagüdüni anhein márügüdün wamá to hani. Kei gibe tubéi agumeiraguagüdüni lánina relihión aburuchaguagüdatu arufudahani mama inarüniti, mabuidunbei wárügüdünu to híchuguboun woun. Ida luba wóunabun lau inebesei? (Rom. 1:25.) Gayarabei wóunabun: “Seremei niña hun, ka san uagu tadimureha agumeiraguagüdüni to? Ka tariñagubei luagu laransehóun haturóbulin gürigia? [Ígira humá lun lóunabun. Anhein ariñaga hun lun haliihanu darí humaamugei óunabagülei, haritaguagüda huméi lun luagu afuranguagüda humani lun ka lan uagu tadimureha wani agumeiraguagüdüni lubaragiñe híchugunu lun. Ábameti haliihani o hadimurehan luagu Matéu 6:9, 10.] Kei larufuduni bérusu le, arufudahati Hesusu layusurubei lan Bungiu Larúeihan lun ladügǘniwa lugundan ubouagu. Ligíati, agumeiraguagüdünirügüñoun to adimurehaboun luagu tisudinin ligaradan Larúeihan Bungiu naliiha. Gayarati narufudun fiú lídangiñe katei le lunbei ladügüni Arúeihani le hun tidan Bíbülia?”.