Gumese wamá aturiahoun Bíbülia hama gürigia ha únbaña wanaahoun Garüdia Atalaya tuma ¡Despertad! sagü hati
1. Ka uagu tínchahawa lóundarun Heowá anaahoun Garüdia Atalaya tuma ¡Despertad! houn gürigia sagü hati?
1 Barüharu lóundarun Heowá saragu irumu amisurahawa lun wanaahanu Garüdia Atalaya tuma ¡Despertad! houn gürigia ha úntiña línsiñeda haliihanu gama lumoun mabusenruntiña wíchugun aturiahani tídangiñeti Bíbülia houn. Ka uagu? Ladüga adügati taliihóun garüdia burí to lun laganwoundun habusenrun gürigia hasubudirun tuagu Lererun Bungiu (1 Fe. 2:2). Másiñati laliihan gürigia somu fánreinti le achülürüti tidoun lanigi ani adüga ligía lun desidírü lan laturiahanu Bíbülia.
2. Ka gayarabei wadügüni lun busén hamá gürigia ha únbaña wanaahoun Garüdia Atalaya tuma ¡Despertad! hasigirun afurendeira?
2 Tugua waméi ilaü le lánina inarüni. Lubaragiñe ígirarügü wamanu garüdia lun gürigia ñéingiñe aba woudin, ayanuha wamá luma. Anhein wadüga ítara, ménrenguntimabei wasubudiruni le gádanbalin, ka lan hínsiñebei lun luma ka lan lafiñenbei, ladügübati lira lun wasubudiruni kaba lan uagu wadimureha luma ani ida luba lan wadügüni (Ari. 16:23). Mini lan lira, mosu lan waranserun buidu. Áluaha wamá aban tema luma aban bérusu tídangiñeti Bíbülia tidan garüdia lun wayanuhan murusunraü luma gürigia ligía. Ítara luba wáturaguni ilaü lánina inarüni le bunawañubei tidan lanigi (1 Ko. 3:6). Mabulieida waméi wabürüdüni luéyuri kada bisida le wadügübei lun, agumeiraguagüdüni to wígiruboun, ítara kei tema luma bérusu le wakutihabei.
3. Átiribei san dan ásügürüti lubá wagiribudun bisidaña gürigia ha únbaña wanaahoun Garüdia Atalaya tuma ¡Despertad! sagü hati?
3 Átiribei san dan ásügürüti lubá wagiribudun? Lun wanaahanu Garüdia Atalaya tuma ¡Despertad! houn gürigia mosu wabisidahaniña aban wéiyaasu luagu hati. Gama lumoun, gayarati giribugiñeraü wamá, según larufudun gürigia busén lan lafurendeirun o según gádanti. Gayarati wagiribudun aban o bián dimaasu lárigiñe wígirunu garüdia lun, ábameti wariñagun: “Busenrügütina narufudun aban katei súdiniti le naliirubei tidan garüdia to nígiruboun hun hun”. Másiñati ladügün katei le lun labusenrun gürigia laliirun somu arütíkulu. Anhein ariñaga gürigia aliiha laali lan, gayarati wálügüdüni ka lan lasaminarubei luagu, ayanuha wagíame murusunraü luagu tema ligía. Ani gayarati wígirunu tratadu, garüdia o líburu to auboun lapurichihóua lidan hati houn gürigia ha únbaña línsiñeda haliihanu wani agumeiraguagüdüni.
4. Ka katei gayarabei wadügüni lun wagumeserun aban aturiahani tídangiñeti Bíbülia luma somu gürigia le unti wanaahoun Garüdia Atalaya tuma ¡Despertad!?
4 Mama lunti wagurabahan lariñagun gürigia woun busén lan laturiahanu Bíbülia. Wagialá álügüdei furumiñe anhein busén lubéi laturiahan. Íbini ariñaga lan woun lidan lagumeseha mabusenrun lan laturiahanu Bíbülia, dan luagun dan, gayarabei wakutihan ariñahani lídangiñeti arütíkulu le gíribei: “Álügüdahani burí tuagu Bíbülia” le áfuridubei tidan Garüdia Atalaya. Másiñati ladügün lira lun wagumeserun aban aturiahani tídangiñeti Bíbülia bénabu. Ánheinti masuseredun ítara, sigí wamá anaahoun garüdia lun áfaagua wagíame wíderaguni lun lasigirun afurendeira.